తెలుగు రాష్ట్రాల సేవలో తానా మరో ముందడుగు

August 20, 2019

తానా ఫౌండేషన్ ఒక బృహత్తర కార్యక్రమానికి శ్రీకారం చుట్టింది. భారత్ బయోటెక్ సహాయంతో “కిడ్స్ ఎడ్యుకేషన్ - అడల్ట్స్ టీకా” కార్యక్రమాన్ని ప్రారంభిస్తోంది. ఇందులో భాగంగా ప్రతి నెలా తెలంగాణ, ఎపి రాష్ట్రాల్లోని 5 గ్రామాల్లోని ప్రజలకు ఉచిత హెపటైటిస్ బి, టైఫాయిడ్ వ్యాక్సిన్లను అందించనున్నారు.
తానా ఫౌండేషన్ ఈసారి విద్య, ఆరోగ్య అంశాలపై ఎక్కువగా దృష్టిపెట్టింది. అందులో భాగంగా రూపొందించిన కార్యక్రమమే "కిడ్స్ ఎడ్యుకేషన్ & అడల్ట్ టీకా". దీనిని ఒక థీమ్‌ లా తీసుకుని సేవా కార్యక్రమాలు చేయనున్నారు. దీనికి సంబంధించిన వివరాలను భారత్ బయోటెక్ సిఇఓ కృష్ణ ఎల్లా గారిని ఫౌండేషన్ ముఖ్యులు కలిసి వివరించారు. ఈ కార్యక్రమానికి అవసరమైన వ్యాక్సిన్లను సమకూర్చడంలో భారత్ బయోటెక్ సహకారం అందిస్తోంది. కృష్ణను ఎల్లాను కలిసిన బృందంలో తానా ఫౌండేషన్ ఛైర్మన్ నిరంజన్ శృంగవరపు,  బ్రహ్మజీ వలివేటి, హరీష్ కోయ తదితరులు ఉన్నారు.

Read Also

అమెరికాలో తెలుగు విద్యార్థి క‌న్నుమూత‌
తెలుగు రాష్ట్రాల సేవలో తానా మరో ముందడుగు
అమెరికా వీధుల్లో ఉల్లాసంగా బాబు