త‌త్వ రంగ‌స్థ‌లానికి విశేష స్పంద‌న‌

August 21, 2019

త‌త్వా (తెలుగు అసోసియేష‌న్ ఆఫ్ ట్రైవ్యాలీ ) ఆధ్వ‌ర్యంలో సిమీవ్యాలీ ప‌ట్టణం, కాలిఫోర్నియాలో ఆగస్టు 3, 2019న నిర్వ‌హించిన రంగ‌స్థ‌లం (ల‌లిత క‌ళ‌ల సాంస్కృతికోత్స‌వం) కార్య‌క్ర‌మంలో ప్ర‌వాసాంధ్రులు పెద్ద సంఖ్య‌లో పాల్గొని కార్య‌క్ర‌మాన్ని విజ‌య‌వంతం చేశారు. జాతిపిత మ‌హాత్మ‌గాంధీ 150వ జ‌న్మ‌దినోత్స‌వ సంబురాల‌ను మ‌రియు స్వాంత్రంత్య దినోత్స‌వ వేడుక‌లు ఈ కార్య‌క్ర‌మానికి ప్ర‌ధాన ఇతివృత్తంగా తీసుకొని విజ‌య కూన‌పులి గారి నిర్దేశంలో ``తేనెల తేట‌ల మాట‌ల‌తో` ``ఓ బాపూ`` మ‌రియు ``జ‌న‌నీ`` గీతాల‌ను బృంద‌గానంగా ఆల‌పించారు. ఈ గీతాల‌కు అనుసంధానంగా అనేక మంది బాల బాలిక‌లు త‌మ నృత్యంతో ప్రేక్ష‌కుల‌ను అల‌రించారు.

``ల‌య డ్యాన్స్ స్కూల్‌`` వారి ``బంటు రీతి కొలువు`` మ‌రియు ``వందేమాత‌రం`` నృత్య ప్ర‌ద‌ర్శ‌న‌లు ఆహుతుల‌ను ఆక‌ట్టుకున్నాయి. ``న‌ట‌రాజ స్కూల్ ఆఫ్ ఫైన్ ఆర్ట్స్‌``విద్యార్థులు చేసిన ``సుబ్ర‌హ్మ‌ణ్య కౌతువం`` భ‌ర‌త‌నాట్యం అంద‌రినీ త‌న్మ‌యుల‌ను చేసింది. ``నాట్య స‌ర‌స్వ‌తి`` బృందం వారు, డాక్ట‌ర్ స‌ర‌స్వ‌తి ర‌జ‌తేష్ మ‌రియు భాగ్య‌శ్రీ మ‌నోహ‌ర్ ఆధ్వ‌ర్యంలో్ ప్ర‌ద‌ర్శించిన ``విశ్వ‌నాథ‌మృతం`` నృత్య‌రూప‌కం కార్య‌క్ర‌మంలో ప్ర‌ధాన ఆక‌ర్ష‌ణ‌గా నిలిచింది. క‌ళాత‌ప‌స్వి శ్రీ విశ్వ‌నాథ్ ద‌ర్శ‌క‌త్వంలో వ‌చ్చిన చిత్రాల్లోని ఆణిముత్యాల్లాంటి అభిన‌యించి ప‌లు న‌ర్త‌కీమ‌ణులు ప్రేక్ష‌కుల‌ను స‌మ్మోహిత‌నుల చేశారు.

``వైద్య‌మా? పైత్య‌మా`` అనే తెలుగు హాస్య నాటిక ``ఆమ్ర‌ఫ‌ల ప్ర‌హ‌స‌నం`` అనే సంస్కృత హాస్య నాటిక‌లు అందిర్నీ క‌డుపుబ్బా న‌వ్వించాయి. ``ఇంటింటి రామాయ‌ణం`` ``నాట్య సుమాంజ‌లి`` ``జాన‌పద నృత్యం`` కార్య‌క్ర‌మాలు ఉత్సాహంగా గ‌డిపేందుకు తోడ్పాటును అందించాయి. భార‌తీయ క‌ళ‌ల‌ను, తెలుగు భాష‌ను బోధిస్తున్న గురువుల‌ను ``త‌త్వ‌`` వారు ``గురువంద‌నం`` అనే ప్ర‌త్యేక కార్య‌క్ర‌మం ద్వారా స‌త్కరించారు. సాంస్కృతి కార్య‌క్ర‌మంలో పాల్గొన్న బాల‌బాలిక‌లందరికీ `త‌త్వ‌` నిర్వాహ‌కులు జ్ఞాపిక‌లు అంద‌జేశారు. ``గ్రాండ్ బావ‌ర్చీ`` వారందించిన రుచిక‌ర‌మైన సంపూర్ణ విందు భోజ‌నాన్ని అంద‌రూ ఆనందంగా ఆస్వాదించారు. చివ‌ర‌గా, కార్య‌క్ర‌మాన్ని విజ‌య‌వంతం చేసినందుకు ఆహుతుల‌కు, ప్ర‌ద‌ర్శ‌కుల‌కు, వాలంటీర్ల‌కు మ‌రియు స్పాన్స‌ర్ల‌కు `త‌త్వా`` కార్య‌నిర్వ‌హ‌క‌ స‌భ్యుల‌కు ధ‌న్య‌వాదాలు తెలియ‌జేశారు. త‌త్వా ముఖ్య ఉద్దేశాలు, మాస‌వారీ ఆరోగ్య కార్య‌క్ర‌మాలు, సంఘసేవా కార్య‌క్ర‌మాలు అంద‌రికీ ఉప‌యోగ‌ప‌డాల‌నే ఆనందాన్ని వ్య‌క్తం చేశారు.

Read Also

లెస్బియ‌న్ పాత్ర చేసింద‌ని ఇంట్లో వాళ్లు ఏడ్చార‌ట‌
రెజీనా... ఎక్స్ ప్రెషన్స్ సినిమాని పైకి లేపాయి
పార్టీ మారేది లేదనేశాడు